Irakasle - ikertzailea Materialetan

Irakaskuntzarako eta ikerketarako bokazioa duten pertsonen bila gabiltza, Materialak eta Konformatuak (MAKO) ezagutza-arloko lantalde gazte eta dinamiko batean parte hartu nahi dutenak.

Arrasaten dugun egoitzan garatuko duzu zure jarduera.

Zure eginkizun nagusia ingeniaritzako graduetan Materialen Zientzia eta hauen Portaerari buruzko ikasgaiak ematea izango da, eta zure intereseko esparruetan hazteko aukera izango duzu: materialen zientzia eta ingeniaritza, materialen karakterizazio aurreratua, jasangarritasunerako materialak…

Eta, interesa baduzu, arloko ikerketa- eta transferentzia-proiektuetan ere parte hartu ahal izango duzu: prestazio handiko materialen garapena, karakterizazio aurreratua, gainazalen funtzionalizazioa eta konformazio-prozesuak, besteak beste.

Honako hauek egiteko aukera izango duzu:

Irakaskuntza jarduerak:

• Ingeniaritzako ikasleei prestakuntza ematea, bereziki Materialen Zientzia eta hauen Portaerari buruzko ikasgaietan, zure jardueraren etengabeko hobekuntzan lan egingo duen talde batean parte hartuz, eta zure espezializazio-arloan eta hezkuntza-metodologia berrietan egunean mantenduz.

Ikerketa eta Transferentzia jarduerak:

• Ikerketa eta Transferentzia proiektuak garatuz, proiektuaren fase guztietan (baliabideen definizioa, erakartzea, bezeroarekiko harremana, kudeaketa, plangintza, gauzatze teknikoa, jarraipena, kontrola, justifikazioa, hobekuntza, hedapena eta ustiapena) eta bere estrategiaren definizioan parte hartuko duen talde baten parte aktiboa izanik.

Hobeto ezagutu nahi gaituzu? Bideoa bistaratu